परिस्थिती उघडी पडीती (Banjara Kavita)

एक कष्टकरी शेतकरी बापेर बेटा,जो शिक्षणेती दुरागो वोर आठवणेरी हालकीसी काव्य रचना...

परिस्थिती उघडी पडीती

तोडेर मन साटा, घणी हुस कोनी हेती
बापेर मजबुरीमज मार मजबुरी हेती
शिकेर हुस असतांना
हातेम कोयता लेणू पडो
कारण घरगाडेर परिस्थिती उघडीज पडीती...

राबन दनरात कष्टेम,
बाप हेरोतो घणो ज्याम
फाटे लुगडा पेरन
याडीरी हेरीती फजिती
शिकेर हुस असतांना
हातेम कोयता लेणू पडो
कारण घरगाडेर परिस्थिती उघडीज पडीती...

भिंजारोतो सवसार,
उघडो पसारो पडोरोतो
कर्जेर लेन बोझा
बाप एकलोज लडरोतो
मदतेन हातभार लगजाव मार
करन बापेर फुलन आव छाती
शिकेर हुस असतांना
हातेम कोयता लेणू पडो
कारण घरगाडेर परिस्थिती उघडीज पडीती...

दि खातारो दफ्तर,वही पुस्तकेर सपनो देखो भरपूर
शिकन बणीव साहेब
यानबापेर कष्ट करीव दूर
करन देखो विश्वास जागो
सरतेन याडी,
बापेर कष्टेर हाल वतारीती
शिकेर हुस असतांना
हातेम कोयता लेणू पडो
कारण घरगाडेर परिस्थिती उघडीज पडीती...

©® रामकृष्ण पदम राठोड